الانترنت عبارة عن نظام عالمى لتبادل المعلومات والبيانات عشان تنقل البيانات
بطريقة تبديل الحزم باستعمال بروتوكول الانترنيت القياسي (Standard Internet Protocol -IP) عن طريق مجموعة من الكمبيوترات المتوصلة ببعضها, و بتتكون
من مجموعة من الشبكات الصغيرة في البيوت و الجامعات و الشركات و الحكومات و
المتوصلة ببعض علشان تدينا شبكة واحدة كبيرة, والكمبيوترات دى بتتوصل بمجموعة
كبيرو من التوصيلات المختلفة زى كابلات فيبر اوپتيك (Fiber Optic), الاسلاك النحاس, لاسلكى و وسائل تانية كتير علشان تعمل شبكة عالمية
كبيرة ممكن عن طريقها نتبادل الفايلات ونعمل شات و نلعب على النت و نعمل ايميلات.
الانترنت الان وصل لتطور كبير جدا, ممكن تدخل على النت من أى مكان لاسلكى
سواء بالموبايل أو اللاب توب وعلى فكرة الانترنت لغته
الاساسية هى الانجليزى و بس علشان أصول الانترنت الأمريكانية و علشان
الامكانيات الضعيفة بتاعة كمبيوترات زمان.
استخدامات الانترنت
للانترنت استخدامات متعددة؛ أهمها:
- · الايميل (e-mail) لارسال واستقبال
الرسائل؛ للاتصال والتواصل عن بعد مع الأصدقاء.
- · لتصفح
الصفحات والفيديوهات .
- · والدخول
الى كمبيوترك من أي كمبيوتر آخر.
- · سماع
الراديوهات ومشاهدة البث التلفزيوني.
- · تبادل
الملفات والمعلومات.
- · الشات
عن طريق الرسائل الفورية والصوت والفيديو والصورة.
- · اللعب
مع اشخاص مختلفين في الانترنت.
- · التسويق.
- · تحميل
الملفات.
تأثير الانترنت
الانترنت أثر فى العالم جامد أوى, يعنى مثلا قدم نوع جديد من التعارف
بين الناس عن طريق الفيس بوك أو ماى سبيس اللى بيمكنك من عمل
صفحة خاصة بيك تحط فيها اللى انتا عايزه علشان تتعرف على أصحاب جداد. ده طبعا غير
نشاطات الرفاهية من اللعب ع النت او القمار و الشات و
الايميلات و سمع المزيكا وفرجة الفيديوهات والكليبات و متابعة البلوجات. ده
غير حملات التسوبق الرهيبة اللى على النت و الاعلانات و البوب ابس (pop ups). الانترنت ليه كمان تأثيرات اجتماعية عشان زود بكتير وقت التواصل
الاجتماعي علي المواقع زي فيس بوك و تويتر والمواقع دي خلت
الناس تقدر تتواصل مع بعضها بصورة اسهل لكنها في نفس الوقت صورة رقمية مش زي
التواصل الواقعي اللي كان بين الناس زمان.
